Të gjesh “notën” tënde në jetë !

Ishte  një  burrë  që  i  binte  violinës  së  tij  ditë  e  natë. Burri  luante  në  violinë  gjithmonë  dhe  i  binte gjithmonë  vetëm të  njëjtës  notë . Perseritej  i  njejti  avaz  për  vite  me  rradhë… Një  natë  gruaja  e  tij  më  në  fund  e  ndërpreu  dhe  i  tha :

“I  dashuri  im,  violina  është  një  instrument  i  shkëlqyer, por  violinistët  e  tjerë  e  përdorin  në  një  mënyrë  krejt  tjetër…  jo  duke  i  rënë  vetëm  një  note…  jo  në  të  njëjtin  tel , me  të  njëjtën  lëvizje  të  harkut. Ata  e  kalojnë  harkun  nga  një  tel  në  tjetrin , ndryshojnë  lartësi , luajnë  me  gishta   të  ndryshëm…”

Por  burri  e  ndërpreu   dhe  iu  përgjigj : “ Gruaja  ime  e  dashur  të  tjerët  kërkojnë  notën, të  cilën  unë  tashmë  e  kam  gjetur ”!….dhe  vazhdoi  t’i  binte  “notës  së  tij”.

Nuk  e  kishte  të  nevojshme  të  kërkonte  nota  dhe  melodi  të  tjera  të  panjohura  burri. Nota  që  kishte  gjetur  ishte  ajo  që  i  dhuronte  sigurinë  dhe  qetesinë  që  i  duhej  për  tu  ndjerë  i  lumtur  teksa  i  binte   pareshtur  instrumentit  të  tij  të  dashur .

(tregime  terapeutike)