Psikologe Arta Naçi
Keshillime Klinike

” Pyetësori i Proust ” , që nuk e krijoi Proust !

Vajza  e  presidentit  të  ardhshëm  të  Republikës  Franceze  i kërkoi  një  ditë  shokut  të  fëmijërisë  Marcel  Proust  t’iu  përgjigjej  disa  pyetje  të  një  albumi  anglez.  Antoinette  Faure  ishte  moshatare  me  Proust.

Ishin  rreth 13 – 14 vjeç. Dy  vite  më  vonë  (1924 ) pas  vdekjes  së  romancierit  të  famshëm  një  nga  djemtë  e  Antoinette, psikoanalisti  André  Berge , gjeti  pyetësorin  në  një  sirtar  dhe  e  publikoi  për  herë  të parë në një revistë letrare. Lindi  kështu  një  formular  me  pyetje  ekzistencialiste .Proust e  ka  plotësuar  dhe  një  herë  tjetër  atë  pas  20  vjetësh. Në  krye  të  faqes  ai  shkruajti  : – “ Marcel  Proust  “dora  vetë “ .Pyetësori  i Proust”ngjalli  mëshumë  interes  për  përgjigjet  sesa  pyetjet . Ajo  që  e  tërhoqi  më  tepër psikoanalistin (përveç famës së Proust) ishte  pikërisht  aftësia  për  të  formuluar një mendim kaq   domethënës, kur  pyetjet  ishin  kaq  pak  “të  gjetura “. Edhe  pse  Berge  e denigroi  albumin  duke i  konsideruar  si  “pyetje  idiote ”, me  kohë  ato  u  bënë  të  dobishme .

Shumë   gazetarë  të  njohur  i  shfrytëzuan  në  intervista   me  persona  të  famshëm .

Ky  nuk  është  një  pyetësor  i  mirëfilltë  psikologjik. Emërtimin “  pyetësori  i  Proust” , e  ka marë  sepse   është plotësuar  prej  tij.

Varianti  i  mëposhtëm  mund  të  përdoret  si  një  instrument  për  të  njohur  më  mirë  veten  dhe  tjetrin. Përdoret  në çift  për  të  “verifikuar”  sa  e  njohim  partnerin .Plotësohet  njëherë vetë  dhe  më  pas  sikur  jemi  ne , në  vend  të  partnerit  reciprok. Sa  më  i  madh  të  jetë  konkordimi   aq  më  shumë  e  njohim  tjetrin.

1) Çfarë  është  lumturia  perfekte * ?    2) Cila  është  frika  jote  më  e  madhe ?
3) Kush  është  personazhi  historik  që  identifikohesh  më  shumë ?
4) Kë  personazh  aktual  admiron  më  tepër ? 5) Çfarë  të  pëlqen  më  pak  te  vetja ?

6)Cili  është  maksimumi  i  ekstravagancës  tënde ?  7) Në  çfarë  rastesh  thua  gënjeshtra ?
8) Çfarë  të  pëlqen  më  pak  nga  ana  fizike ?  9) Cili  person  të  pëlqen  më  pak ?

10) Cila  është  dashuria  më e madhe  e  jetës  tënde ?             

 11) Kur  dhe  ku  ke  qenë  më  i lumtur ?    12) Çfarë  virtyti  do të  doje të kishe ?                               
 13) Kush  janë  pikat e tua  të forta ?    14) Cila  është  gjëndja  jote  shpirtërore  tani ?                           
 15) Cila  është  gjëja  më  e  çmuar  që  ke ?  16) Cila  është  gjëja  më  e  keqe  që  mund  të  të ndodhë ?
17) Ku  do  doje  të  jetoje ?     18) Cila  është  puna jote  e  preferuar ?
19) Kush  është  heroi  yt  aktual ?  20) Cilët  janë  shkrimtarët e tu  të  preferuar ?
21) Si  do  doje  të vdisje ? *  22) Kush  është  motua  jote ?

Dy  përgjigje  të  Proust : 1* Kam   frikë  se  nuk  është  aq  e  denjë  dhe  kam  frikë  se  mos  e  shkatërroj  po  ta  them. 

21*  Më  i  mirë  se  ç’jam  dhe  me  më  shumë  njerëz  që  më  duan.

20/Shtator/2016

Gjithashtu mund të pëlqeni dhe