Tel : 0696003300
Email : [email protected]
Mos e përdor zhgënjimin si një tullë për të ngritur mure rreth vetes !
Nëse ka ndonjë gjë që mund t’a merrni për të qënë në jetë, është se herët a vonë do të mbeteni të zhgënjyer. Aleksandër Pope tha: “Lum ai që nuk pret asgjë, sepse nuk do të mbetet kurre i zhgenjyer”, por meqenëse është e pamundur të mos kemi pritshmëri, herët a vonë zhgënjimi do të trokase edhe në derën tuaj.
Zhgënjimi është një formë trishtimi, qe shpesh përjetohet si një ndjenje humbjeje. Eshtë një zbrazeti e dhimbeshme mes asaj qe presim dhe realitetit. Zhgënjimet janë te shumta po aq sa shpresat dhe pritshmerite, edhe pse zhgënjimet që na bejne me keq janë ato që vijnë nga njerëzit me të afërt dhe të rëndësishëm.
Si t’a përdorim zhgënjimin për të na hapur sytë?
Zakonisht e shohim zhgënjimin nga një perspektivë negative dhe është e kuptueshme.Kur ndihemi të zhgënjyer, jeten e shohim gri, por zhgënjimi mund të jetë gjithashtu një mësim i mire ne jete. Edhe pse na bën të vuajmë, zhgënjimi na jep informacion të vlefshëm për besimet që kemi për veten, për njerëzit e tjerë dhe për atë që mendojmë se do të na bënte vërtet të lumtur. Zhgënjimi mund të na ndihmojë të hapim sytë.Prandaj, herën tjetër kur te përjetoni nje zhgënjim, në vend që të rrini mbërthyer në atë gjendje, mendoni se çfare mund të mësoni nga situata. Marim ne konsiderate keto pyetje :
1) Çfare. Me të vërtetë mendoni se vetëm një gjë mund t’ju bëjë të lumtur?
Ndonjëherë fiksohemi me një gjë dhe besojmë se vetëm kur e kemi mund të jemi vërtet të lumtur ose të kënaqur dhe nëse nuk e arrijme, mbetemi të zhgënjyer dhe biem në trishtim të thellë. Por nëse e kushtezojme lumturinë tonë në një gjë, do të kemi një problem serioz. Nëse nuk jemi të kënaqur me atë që kemi, ka shume mundesi që te mos jemi te kenaqur edhe me ate qe do arrijme të fitojmë, thjesht sepse lumturia është një gjendje e brendeshme..
2)Kush. Mendoni se vetëm një person mund të kënaqë dëshirat tuaja?
Ndonjëherë mendojmë se kur të gjejmë njeriun e jetes, yjet do të rreshtohen dhe do të jetojmë përgjithmonë te lumtur. Kërkojmë te ky person një sërë karakteristikash dhe kemi pritshmëri shumë të larta, kështu që kur ndeshemi me realitetin krejt ndryshe zhgenjehemi shume…Ndoshta pret shumë nga personi tjetër!?- Ndoshta ke pretendime që ai nuk mund të permbushe dhe kenaqe!? Kujto se kënaqësia e vërtetë varet nga ty dhe jo nga dikush tjetër. Mos mendoni se të tjerët duhet të jenë të interesuar për ju , t’ju ndihmojne apo te bien ne kompromis me ju. Pyesni me mire veten se çfarë mund të bëni ju për këta njerëz.
3)Kur. A keni vendosur gjithmonë një afat kohor për të marrë atë që dëshironi?
Pritshmerite tona janë të ndikuara nga normat shoqërore. Pa e kuptuar ne ndjekim rregulla që na tregojnë se kur duhet të arrijmë disa qëllime.Si rezultat, vendosim një afat kohor per qellimet tona dhe nëse nuk i arrijmë ato, mendojmë se kemi dështuar. ..Te gjejme shokun e jetes,te bejme karriere,te kemi sukses… Nderkohe qe duhet të kuptojmë se jemi të gjithë unik dhe ndjekim ritme të ndryshme. Krahasimi dhe nxitimi nuk bëjnë gje tjeter veçse na zhgënjejnë duke na bere te interpretojme gabim shenjat e jetës, e cila ndonjehere nuk na thonë “jo”, por vetëm “prit”.
4)Si. A mendoni se ka vetëm një mënyrë të drejtë për t’i bërë gjërat?
Edhe kur i kemi analizuar edhe detajet me te vogla dhe kemi gjithcka nen kontrroll, jeta arrin gjithmonë të fuse pak kaos. Të mendosh se ka vetëm një mënyrë për të arritur qëllimet tuaja apo nje menyre te vetme korrekte dhe te duhur për t’i bërë gjërat, në mënyrë të pashmangshme do të të çojë në zhgënjim. Është mirë që të kemi një projekt, por nuk duhet të harrojmë se ka gjithnje hapësirë për improvizim. Nëse jeta nuk funksionon sipas planeve tona, do të thotë që duhet të ndryshojmë, të përshtatemi me rrethanat e reja dhe të zhvillojmë një plan të ri. Te ankohemi per qumeshtin e derdhur eshte e kotë. Në këtë drejtim, Abraham Maslow zbuloi se njerëzit e vetë-realizuar kanë aftësinë e çuditshme për të dalluar mes mjetit dhe qëllimit; domethënë, i kanë sytë të fiksuar mire në objektivat e tyre, por kane edhe mendjen gjithmone të hapur ndaj mundësive të ndryshme që mund të lindin. Ata janë të vetëdijshëm se ka mënyra të ndryshme për të arritur atje ku duan.
Mos e përdorni zhgënjimin si një tullë për të ngritur mure emocional pengues.
Duhet të jemi veçanërisht të kujdesshëm ndaj zhgënjimeve sepse mund të shnderrohen ne tulla me të cilat ndërtojmë mure emocionale. Kur një zhgënjim ka qenë veçanërisht i madh ose ne kemi grumbulluar shumë zhgënjime të vogla, mund të ndjehemi aq të mashtruar dhe të tradhëtuar sa te ngreme rreth nesh një mur ndares.Është e vërtetë qe ky mur na mbron nga zhgënjimet e ardhshme, sidomos në çështjet e dashurisë, por na pengon gjithashtu të kthehemi dhe te enderrojme,dashurojme,perhumbemi ne iluzione dhe dritherima. Prandaj, duhet të sigurohemi t’a kurojme plagën emocionale dhe të mos mbetemi te bllokuar te zhgënjimi. Duhet t’i përdorim zhgënjimet si mundësi për të mësuar dhe zhvilluar, jo si justifikime për t’u mbyllur ndaj botës.
(psikologjia për të gjithë)