Psikologe Arta Naçi
Keshillime Klinike

Askush nuk ka të drejtë të përçmojë tjetrin !

Shpesh  herë  i  përçmojmë  të  tjerët  sepse  ndjehemi  më  të mirët  apo  më  të  bukurit  dhe  të  tjerët  nuk vlejnë , nuk na  hyjnë  në  punë, nuk  na  duhen. Askush  nuk  vjen në këtë botë  për të qënë i pari .Të  gjithë  kemi  diçka  për  t’ju  mësuar  të  tjerëve  dhe  diçka  për  të  mësuar prej tyre.  Askush nuk e ka të drejtën të  përçmojë apo paragjykojë tjetrin . Ai ndoshta është duke na  bërë një të mirë që  nuk na shkon aspak nëpër mend,por që qmund t’a zbulojmë më vonë .

Trëndafili  bukurosh nuk e kishte  ” lexuar ” moralin  e  shkruajtur në  rrjeshtat më lart dhe e pësoi !!

 ” Ishte një herë një  trëndafil shumë krenar që ishte më i bukuri i baçes , por  ishte  i  trishtuar  sepse njerëzit e admironin nga larg pa iu afruar. Në fakt ngjitur me të  jetonte një bretkocë shëmtaraqe . Një ditë papritur trëndafili e urdhëroi  bretkocën të largohej  dhe ajo u largua menjëherë pa bërë fjalë.  Disa kohë më vonë , bretkoca  kaloi andej….dhe u çudit kur pa trëndafilin  të tharë dhe pa jetë, pa asnjë petale e  pa asnjë gjethe. – Si je katandisur kështu ?  –  i thotë bretkoca ; çfarë të ka ndodhur ?! – Që  nga  momenti  që  ike  ti , çdo  ditë  milingonat  më  kanë  ngrënë  pak  e  nga  pak dhe e humba gjithë bukurinë  – u përgjigj trëndafili  i pikëlluar. –  e  po sigurisht ! –  tha bretkoca ; kur  unë  jetoja këtu ngjitur me ty, i haja të gjitha milingonat…Për  këtë arsye ishe më i bukuri i baçes  “!

(tregime  terapeutike)                     2/tetor/2016

Gjithashtu mund të pëlqeni dhe